تعلم صناعة الدوال فى الفجوال بيسك 6

استعرض الموضوع السابق استعرض الموضوع التالي اذهب الى الأسفل

تعلم صناعة الدوال فى الفجوال بيسك 6

مُساهمة من طرف نجلاء فتحي في الإثنين أبريل 08, 2013 12:55 pm

السلام عليكم
اليوم اشرح لكم كيفية صناعة الدوال Functions فى برنامجك

بسم الله نبدأ

أولا يجب أن تعرف أن الدالة تعنى باللغه الانجليزية Function هناك مجموعة من الدوال الثابتة أو المحجوزة فى الفيجوال بيسك مثل دالة جييب الزاوية Sin و داله جيب التمام Cos كمثال للدوال الرياضية

مثال آخر : الدالة Len و فائدتها معرفة عدد حروف نص معين ....مثلا:

الرمز:

msgbox Len("Ahmad")

سيكون الناتج 5 لأن عدد حروف الكلمة هو 5 حروف

كما ترى فإن الدالة تأخد مدخلات Inputs و ترجع لك مخرجات .....إذن لكل داله مدخلات و مخرجات

ميكانيكية عمل الداله:

ترسل المدخلات إلى الداله -- ثم تقوم الدالة بعملية معالجة المدخلات حسب وظيفه كل داله -- ترسل الداله لك المخرجات

الآن تعالا بنا نكتب أول داله ...ايه رأيك نعمل دالة جمع رقمين ؟؟ ستكون بالشكل التالى :

الرمز:

Function Add(ByVal X As Integer, ByVal Y As Integer) As Integer
Add = X + Y
End Function



الشرح:
1- نكتب كلمة Function للاعلان عن الدالة
2- اكتب اسم الدالة و انا سميتها فى هذا المثال Add
3- افتح قوس
4- نبدأ فى تعريف المتغيرات التى ستأخذها الداله أى المدخلات ،، إذا كنا نستخدم كلمه Dim فى تعريف المتغيرات العادية فإننا نستخدم كلمة ByVal فى تعريف مدخلات الدوال ( يعنى استبدل Dim بـ ByVal)
و على فكرة ByVal دى اختصار لـ By Value

5- قمت بتعريف متغير اسمه X نوعه Integer بالجمله ByVal X as Integer
6- ضع علامة الفصلة السفلية لتعريف متغير آخر ,
7- قمت بتعريف متغير Y نوعه Integer بالجمله ByVal Y as Integer
8- اقفل القوس
9 - اكتب كلمة As و بعدها نكتب نوع النتيجة يعنى ال Data Type بتاع النتيجة ،، فلو كانت الدالة هترجع لك رقم يبقى As Integer و لو هترجع لك True , false يبقى As Boolean
و فى المثال ده أنا عملت النتيجة اللى هترجع رقم
10- اضغط Enter للانتقال لسطر جديد
11- افتكر معايا كده الداله كان اسمها ايه ؟؟ بتقول ايه ؟؟ Add صح ؟ شاطر Very Happy
بنبدأ عملية معالجة البيانات ،، يعنى فى المنطقة دى بنكتب وظيفة الداله
احنا قولنا فى اول كلامنا اننا بنعمل دالة جمع
يبقى المفروض النتيجة اللى هترجع من الدالة تكون حاصل جمع X و Y
خلاص انت حليتها
اكتب Add = X + Y
يعنى بنقول الدالة Add هترجع مجموع X و Y

12- طبعا هتقفل الدالة بجمله End Function

استدعاء دالة الجمع من الكود:

الرمز:

Private Sub Command1_Click()
MsgBox Add(5, 6)
End Sub

يعنى لما تحب تستدعى الدالة بتكتب اسمها و بعدين بين القوسين تحط قيم المدخلات X و Y
و طبعا المخرجات هتطلع فى صندوق رسالة = 11


Surprised فمهنا لحد هنا ؟؟
تمام شكلك فهمت Very Happy

يلا ناخد مثال اصعب شوية،، بس انا عارفك معلم كبير و مفيش حاجة تصعب عليك Very Happy

مثال أخر: فى هذا المثال هعمل دالة تكشف لنا الطالب ناجح ولا راسب
نفترض مثلا ان النجاح من 150

نبدأ نكتب كود الداله و عينك على المدخلات و المخرجات و النوع بتاعهم

الرمز:

Function Check(ByVal Result As Integer) As String
If Result > 150 Then
Check = "ناجح"
Else
Check = "راسب"
End If
End Function

فى المثال اسم الداله Check
المدخلات : متغير اسمه Result و هى نتيجة الطالب ،، نوع المتغير Integer
المخرجات : نوعه String يعنى نص
الدالة بتشوف المدخلات ، لو أكبر من 150 بترجع لك كلمه ناجح
لو أقل من 150 بترجع لك كلمة راسب

استدعاء الدالة:

الرمز:

Private Sub Command2_Click()
MsgBox Check(Text1.Text)
End Sub

لاحظ انى هعرض المخرجات فى صندوق رسالة
كتبت MsgBox
بعد كده كتبت Check لاستدعاء الداله ،، فتحت قوس ،، كتبت قيمة المتغير و قيمته هنا هى قيمه text1.text يعنى المتغير بياخد قيمته من التيكست بوكس ،، قفلت القوس

سيتم عرض الناتج فى صندوق الرسالة

المصدر ...الفرق العربى للبرمجة

نجلاء فتحي
...
...

تاريخ التسجيل : 20/02/2011
المساهمات : 48
النقاط : 94
التقيم : 0
الجنس : انثى

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى